سپریم کورٹ کے ججز کی تنخواہوں میں اضافے کا آرڈر جاری
قائم مقام صدر صادق سنجرانی نے سپریم کورٹ کے ججز کی تنخواہوں میں اضافے کا آرڈر جاری کر دیا۔
صدارتی آرڈر 2023 کے تحت چیف جسٹس کی تنخواہ میں 2 لاکھ 4 ہزار 885 روپے کا اضافہ ہوا ہے۔
سپریم کورٹ کے دیگر ججز کی تنخواہ میں ایک لاکھ 93 ہزار 527 روپے کا اضافہ ہوا ہے۔
آرڈر کے بعد چیف جسٹس پاکستان کی تنخواہ 12 لاکھ 29 ہزار 189 روپے ماہانہ ہو گئی۔
سپریم کورٹ کے جج کی تنخواہ 11 لاکھ 61 ہزار 163 روپے ماہانہ ہو گئی۔
2022ء کے آرڈر کے مطابق چیف جسٹس کی تنخواہ 10 لاکھ 24 ہزار 324 روپے تھی جبکہ جج کی تنخواہ 9 لاکھ 67 ہزار 636 روپے تھی
124
